Bakı Şəhər Mədəniyyət və Turizm İdarəsinin təşkilatçılığı ilə 6 may 2015-ci il tarixində Filarmoniya bağında ümummilli lider Heydər Əliyevin anadan olmasının 92-ci ildönümünə həsr olunmuş 7-ci "Kitab bayramı" adlı tədbir keçiriləcək. Bayram tədbiri saat 11.00-dan 19.00-dək davam edəcək.

Axar.az Baku-art.az-a istinadən xəbər verir ki, tədbirdə Bakı Şəhər Mədəniyyət və Turizm İdarəsinin şəbəkəsinə daxil olan kitabxanalara 126 müəllifin 200-ə yaxın rus dilinə çap olunmuş kitablarının təqdimatı baş tutacaq. Bundan başqa, Çingiz Abdullayev, Qurban Səid, Elçin Səfərli, Dostoyevski, Stefan Sveyq, Etel Lilian Voyniç, Stiven Kinq, Paulo Koelyo, Şarlotta Bronte və bir çox digər dünya şöhrətli müəlliflərin kitabları oxuculara təqdim olunacaq.

Qeyd edək ki, "Kitab bayramı"nda 20-ə yaxın nəşriyyatın kitabı sərgilənəcək.