Rusiya və Azərbaycan ilk dəfə olaraq Xəzər dənizində onlarla hərbi gəminin iştirakı ilə birgə hərbi təlimlər keçirəcək.

Axar.az xəbər verir ki, bu barədə Rusiya Cənub Hərbi Dairəsinin mətbuat xidmətindən məlumat verilib.

"Hərbi nümayəndə heyətləri arasında aparılan məsləhətləşmələr zamanı sentyabrda "Xəzər dənizində iqtisadi fəaliyyət obyektlərinin müdafiəsi üzrə birgə fəaliyyət" mövzusunda təlimlərin keçirilməsi razılaşdırılıb", - məlumatda bildirilib.

Məlumatda qeyd olunub ki, Rusiya və Azərbaycanın Xəzər donanmaları arasında Xəzər dənizində gəmiçiliyin və beynəlxalq dəniz fəaliyyətinin təhlükəsizliyinin təmin olunması, dəniz və hava hədəflərinə birgə artilleriya atəşləri, qəzaya uğramış gəmilərə yardım edilməsi və digər birgə təlimlər həyata keçiriləcək.