İyunun 6-da Rəşid Behbudov adına Azərbaycan Dövlət Mahnı Teatrında Cəfər Cabbarlı adına İrəvan Dövlət Azərbaycan Dram Teatrının hazırladığı "Nəsrəddin evlənir?.." tamaşasının premyerası olacaq.

Axar.az xəbər verir ki, tamaşanı Molla Nəsrəddin lətifələri əsasında Xaqani Əliyev hazırlayıb. Tamaşada Molla Nəsrəddinin kənd lotularının aldadaraq ona ərə verdikləri eybəcər və qoca arvadı cavan bir gözələ necə dəyişdiyi, ölüm yatağında başının üstünü kəsmiş Əzrayılı necə aldadaraq ölməzlik qazandığı, Avroviziya ulduzu Konçitaya necə sataşdığı və digər maraqlı səhnələr yer alacaq.

Qeyd edək ki, tamaşada Molla Nəsrəddin rolunu gənc aktyor Elçin Hacıyev ifa edəcək.