AB və Belçikanın ilk hicablı türk əsilli millət vəkili olan Mahinur Özdəmir "erməni soyqırımı"nı tanımaqdan imtina edib.

Axar.az xəbər verir ki, Özdəmirin üzvü olduğu Belçika Demokratik Humanist Mərkəzi (CDH) Partiyası onu bu qərarına görə üzvlükdən çıxarıb.

Mahinur Özdəmir mətbuata açıqlamasında bu qərarı qınayıb:

"1915-ci il hadisələri ilə bağlı hər hansı məhkəmə, həmçinin Belçika hökumətinin və Avropa Birliyinin bir qərarı yoxdur. Təəssüf ki, CDH humanizm və demokratiyaya yaraşmayan bir qərar verdi və Avropanın təməl dəyərlərindən olan ifadə azadlığına riayət etmədiyini sübut etdi. Bu qərar CDH və Belçikanın demokratiya tarixinə qara bir ləkədir. 100 il əvvəl baş vermiş hadisələrin siyasətə aid edilməsini qınayıram".