Keçən həftə baş verən və 38 nəfərin ölümünə səbəb olan Tunis terrorundan sonra İngiltərə genişmiqyaslı terrorla mübarizə təlimlərinə başlayıb.

Axar.az xəbər verir ki, paytaxt Londonda dünən səhər başlayan və bir neçə saat davam edən "Güclü qüllə" (Strong Tower) adlı təlimdə minlərlə polis iştirak edib. Təlimdə London polisi, təcili yardım xidmətləri, London Nəqliyyat Təşkilatı (TFL) və Milli Səhiyyə Sistemi (NHS) də daxil olmaqla 14 müxtəlif təşkilatın işçilərinin iş mexanizmi sınaqdan keçirilib.

Xatırladaq ki, keçən həftə Tunisin Sussa şəhərində bir otelin çimərliyinə təşkil edilən hücumda 30-u ingilis turist olmaqla 38 nəfər həlak olmuşdu.