Ana səhifə Gündəm |
Türkiyədə yeni formalaşacaq hökumətdə baş nazirin köməkçisi Milliyyətçi Xalq Partiyasından (MHP) millət vəkili seçilən Əkmələddin İhsanoğlu olacaq.
Axar.az xəbər verir ki, bu barədə Türkiyənin "Hürriyət" qəzeti yazıb.
Qəzetin MHP-dəki qaynaqlarından əldə etdiyi məlumata görə, AKP ilə partiya arasında son bir neçə həftə ərzində intensiv danışıqlar gedir.
MHP-nin AKP-nin namizədi İsmət Yılmazın parlament sədri seçilməsində dəstək verməsi isə koalisiya məsələsini 99 faiz tamamlayıb.
Danışıqlardan əldə olunan nəticəyə görə, Əkmələddin İhsanoğluna baş nazirin köməkçisi vəzifəsi veriləcək. Dövlət Baxçalı isə MHP sədri postunda fəaliyyətini davam etdirəcək.
Qeyd edək ki, İhsanoğlu əslən Şamaxıdandır. AXC-nin süqutundan sonra ailəsi Türkiyəyə, oradan isə Kiprə gedib. Onlar daha sonra Misirə köçüblər və Əkəmələddin İhsanoğlu burada dünyaya gəlib.
Tarix
2015.07.03 / 15:47
|
Müəllif
İlham Sahiloğlu
|