Ana səhifə İdman |
"Laçi"ni yaxşı tanıyıram. İki il əvvəl "Bilis"in baş
məşqçisi olanda bu komanda ilə kubokun finalında qarşılaşmışdıq.
Amma geridə qalan müddət ərzində "Laçi"nin heyəti 60 faiz dəyişib".
Bu sözləri apasport.az saytına açıqlamasında vaxtilə Azərbaycanda
çalışmış türkiyəli məşqçi Naci Şensoy deyib.
Təcrübəli mütəxəssis Avropa Liqasının I təsnifat mərhələsində
"Laçi" ilə qarşılaşan "İnter"in mərhələ adlamaq şansını
dəyərləndirib.
2012-14-cü illər ərzində Albaniyanın "Bilis" və "Kukesi" klublarını
çalışdırmış Şensoy bildirib ki, ilk görüşdə qeydə alınan nəticədən
(1:1) sonra növbəti mərhələyə "bankirlər" daha yaxındılar: "Adətən
"Laçi" çox aqressiv futbol nümayiş etdirir. Öz meydanında daha
inamlı təsir bağışlayır. Amma "İnter" səfərdə qollu heç-heçəyə imza
atıbsa, artıq şans öz əlindədi. Azərbaycan təmsilçisi öz meydanında
keçiriləcək cavab oyununda əlinə düşən imkanı dəyərləndirməlidi.
Təbii ki, Albaniyadakı 1:1 hesablı nəticədən sonra "İnter" artıq
cütün favoritidi. Çünki Bakıdakı oyunda qolsuz bərabərlik də
komandanızı növbəti mərhələyə daşıyacaq. Amma yenə də diqqətli
olmaq lazımdı".
Şensoy "Laçi" komandasını yaxından tanıdığından, "İnter"in
futbolçularına məsləhət verib: "Bir məqamı mütləq deməliyəm.
İnter"in futbolçuları rəqib oyunçuların meydandakı təxribatlarına
fikir verməməlidilər. Çünki "Laçi" futboldan çox təxribatı sevir.
Bunu nəzərdə saxlasınlar. "İnter" ilk görüşdəki nəticəni unudaraq,
meydana çıxmalıdı. Yəni Albaniyada qeydə alınan hesaba çox
güvənməməlidi".
Tarix
2015.07.04 / 23:20
|
Müəllif
Axar.az
|