Ana səhifə Planet |
Hazırda Türkiyədə olan dönəm vətəndaş çevrilişini xatırladır.
Axar.az xəbər verir ki, bunu mətbuata açıqlamasında Xalqların Demokratik Partiyasından olan millət vəkili Pərvin Buldan söyləyib. Onun sözlərinə görə, MHP və AKP Kənan Evrenin davamçılarıdır:
"Dövlətin bütün gücü və imkanları saray ətrafında qanundankənar bir formadan təşkilatlandırılıb. Bütün dövlət qurumları saraya bağlanıb. Hər şey saraydan planlanır. Quldur saray dövləti ölkəni regional savaşa aparır. Onlar ortaya atdıqları çevriliş dönəmini dərinləşdirmək üçün HDP-ni bağlamaq məsələsini gündəmə gətirərək, cəmiyyəti psixoloji olaraq hazırlayırlar. Əslində HDP-ni bağlamaqla demokratik sistemləri bütövlüklə məhv etmək istəyirlər. Partiyanı bağlamağı müdafiə edənlər çevriliş zehniyyətinin tərəfdarıdırlar. Onların bugünkü nümayəndələri isə milliyətçilərdir. Milliyətçilərin partiyası 80-ci illər çevrilişində bağlanılmışdı. AKP isə bu dönəmi 2008-də keçmişdi. Bu gün hər iki Kənan Evren ruhunu siyasi formada yaşatmaq üçün bir-biriylə yarışırlar".
Qeyd edək ki, ötən gündən başlayaraq, Baş Prokurorluğun təqdimatı ilə Türkiyədə HDP ilə bağlı araşdırmalara start verilib. Partiyanın PKK-nı dəstəklədiyi ittihamları var. İttihamlar sübuta yetirilsə, HDP bağlanacaq və partiya yetkililərinin siyasi fəaliyyəti yasaqlanacaq.
Tarix
2015.07.29 / 13:51
|
Müəllif
İlkin Həsənov
|