AKP ilə MHP koalisiyası üçün bütün hazırlıqlar tamamlanıb.

Axar.az xəbər verir ki, bu barədə "Milliyət" qəzetinin yazarı Məhmət Tezkan yazıb. O, çox iddialı fikirlər səsləndirib:

"AKP-MHP koalisiyası üçün artıq heç bir əngəl qalmayıb. Təkbaşına iqtidar olmayacağını anketlərdən də görən AKP MHP-yə üç addım yaxınlaşıb. Hazırda MHP-nin ən önəmli şərti həyata keçir. Əməliyyatlar çoxdan başlayıb. Ölkə başçısı PKK ilə həll prosesinin bitdiyini rəsmən açıqlamaqla bir növ MHP-yə yaxınlaşır. Artıq hökumət MHP ilə eyni dildə danışır. Baxçalının HDP-nin toxunulmazlığının əlindən alınmasını istəməsi, ölkə başçsının əməliyyatların bundan sonra da davam edəcəyi təlimatı artıq silahların danışacağından xəbər verir. Bir sözlə, AKP-MHP ortaqlığı yaxındır".