Rusiya Prezidenti Vladimir Putin sanksiya siyahısında olan ölkələrdən Rusiya bazarına gətirilən qida məhsullarının sərhəddə məhv edilməsi ilə bağlı sərəncam imzalayıb.

Axar.az xəbər verir ki, Kreml rəhbərinin sərəncamı avqustun 6-dan etibarən qüvvəyə minəcək.

Qərarda deyilir: "Rusiya şirkəti və vətəndaşlarına qarşı sanksiya qərarı verilən ölkələrdən gələn və Rusiya Federasiyası torpaqlarına girişi qadağan edilən kənd təsərrüfatı məhsulları, xammal və ərzaq məhsulları 6 avqust 2015 tarixindən etibarən sərhəddə məhv ediləcək".

Prezidentin qərarı standartlara uyğun gələn və üçüncü ölkəyə daşınan məhsulların girişinə şamil edilməyəcək.