Türkiyə Prezidenti Rəcəb Tayyib Ərdoğan müxalifətə cavabı Uzaq Şərqdən verib. Çin səfəri zamanı Türk-Çin İş Forumunda çıxış edən Ərdoğan HDP lideri Səlahəddin Dəmirdaşın Suruç iddialarını cavabsız qoymayıb.

Axar.az məlumat verir ki, Ərdoğan Dəmirdaşın "Suruç qırğınını evə bağlı xüsusi xidmət orqanı təşkil etdi" iddialarına cavab verərək bu sözlərin "tərbiyəsiz" bir ifadə olduğunu bildirib:

"Öz üzərindəki qaranlıq buludları paylamağa çalışır. Bir az ağır olacaq, amma bu, əsli, astarı olmayan tərbiyəsiz bir ifadədir. Prezident mövqeyinin bu cür aşağı olmadığını söyləmək istəyirəm. Bu ifadələri istifadə edən şəxs 6-7-8 oktyabrda 50 adamın öldüyü qırğının baş memarıdır. Avropa və ABŞ-ın terror təşkilatı adlandırdığı PKK-ya qarşı müsbət imic formalaşdırmağa çalışır. Böyük qardaşı dağda böyümüş biridir. Hələ də dağdadır. Özü də fürsət tapınca ora qaçacaq. Bunlar ağzından çıxan sözləri eşitməlidir. Həddini bilsin deyərəm, məsələ budur".