İsrail Knesseti fələstinli məhbusların zorla qidalandırılmasını nəzərdə tutan qanunu qəbul edib.

Axar.az xəbər verir ki, qanun əleyhinə 40, lehinə isə 46 millət vəkili səs verib.

Qanuna görə, həbsxana rəsmiləri aclıq aksiyası keçirən məhbuslara zorla qida vermək üçün məhkəməyə müraciət edəcək. Məhkəmənin icazəsindən sonra məhbuslara zorla yemək yedizdiriləcək.

Ərəb millət vəkillərindən Dov Kenin Knessetdəki müzakirələr zamanı qanunun məhkumların həyatını xilas etmədiyini bildirib:

"İsraildə indiyə qədər aclıq aksiyası keçirən heç bir məhkum ölməyib. Lakin güclə qidalanmadan 50 məhkum dünyasını dəyişib. Bu qanun beynəlxalq normalara ziddir".

Fələstin Əsirlər Nazirliyinin məlumatına görə, İsrail həbsxanalarında 7 mindən çox fələstinli var.

Qeyd edək ki, Ümumdünya Səhiyyə Təşkilatının 1975-ci ildə qəbul etdiyi qərara görə, məhkumların güclə qidalandırılması qadağan olunub.