İŞİD-ə bağlı olan "Madjmuat Şabat əl Manara" terror təşkilatı Birləşmiş Ərəb Əmirliklərində hakimiyyət çevrilişi hazırlayıb.

Axar.az xəbər verir ki, bunu mətbuata açıqlamasında BƏƏ-nin Baş prokuroru Salem Said Kubeyş söyləyib.

Onun sözlərinə görə, artıq terror təşkilatının bu cəhdinin qarşısı alınıb:

"Bu terror təşkilatı hakimiyyət çevrilişindən sonra ölkədə "İslam Xilafəti" yaratmaq istəyirdi. Onların sırasında müxtəlif ölkələrin vətəndaşları var. Həmin şəxslər xarici terror təşkilatlarından müxtəlif növ silah və partlayıcılar alıblar".

Qeyd edək ki, bir müddət öncə Birləşmiş Ərəb Əmirliklərində 41 nəfər terrorçu yaxalanmışdı.