Ana səhifə Toplum |
2015-08-02 20:33:00
Bu dəqiqələrdə Bilgəh-Nardaran yolunda, çimərlik yaxınlığında dəhşətli qəza baş verib.
Axar.az-ın hadisə yerində olan əməkdaşının verdiyi məlumata görə, "Rənc Rover" markalı avtomobil "Zaparojets" və "Leksus" markalı avtomobillərlə toqquşub.
Zərbənin gücündən "Zaparojets" avtomobili yanmağa başlayıb. Avtomobilin içində olan sürücü yanıb ölüb, azyaşlı uşağın da dünyasını dəyişdiyi bildirilir.
Hazırda hadisə yerində DYP əməkdaşları araşdırma aparır.
***
Baş verən qəza hadisəsi ilə bağlı FHN rəsmi açıqlama yayıb.
Məlumatda qeyd olunur ki, Bakı şəhəri, Sabunçu rayonunda bir neçə avtomobilin toqquşması yanğınla nəticələnən yol-nəqliyyat qəzasına səbəb olub.
Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, qəza nəticəsində "Zaparojets" markalı avtomobil deformasiyaya uğrayıb və yanıb. Avtomobilin sürücüsü Hüseynov Ağabala Baba oğlu hadisə yerində vəfat edib. Xilasedicilər A.Hüseynovun cəsədini avtomobildən çıxararaq aidiyyəti üzrə təhvil veribər.
Əməliyyat saat 20:49-da başa çatıb.
Tarix
2015.08.03 / 01:12
|
Müəllif
Axar.az
|