Nazir Hüseyn Bağırov vətəndaşlarla görüşmək üçün Qazax şəhərinə səfər edəcək.

Ekologiya və Təbii Sərvətlər Nazirliyindən Axar.az-a verilən məlumata görə, H.Bağırov avqust ayının 6-da, saat 10:00-dan Qazax şəhərində yerləşən Qazax Olimpiya Kompleksində Qazax, Tovuz, Ağstafa və Şəmkir rayonlarında yaşayan vətəndaşları qəbul edəcək.

Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 saylı "Qaynar xətt"i, həmçinin Qazax şəhəri 2 saylı ərazi Ekologiya və Təbii Sərvətlər Şöbəsi ilə əlaqə saxlamaları (ünvan: Qazax şəhəri, Sabir küçəsi 78, əlaqə telefonları: 050-330-95-49, 050-349-02-83, 022-29-5-12-49) xahiş olunur.