Səbail rayon İcra Hakimiyyətində dəyirmi masa keçirilib. Tədbir "Məcburi köçkün icmalarında yol təhlükəsizliyinin təmin olunmasının aktual aspektləri" mövzusunda olub.

Bu barədə Axar.az-a verilən xəbərə görə, toplantıda çıxış edən Səbail rayon icra başçısının müavini Eldar Ağayev dövlət tərəfindən həyata keçirilən iri layihələrin miqyasının ildən-ilə genişləndiyini bildirib.

"Həyat" Beynəlxalq Humanitar Təşkilatının sədri Azər Allahverənov isə deyib ki, yol infrastrukturunun inkişafı dövlət siyasətinin əsas prioritetlərindən birinə çevrilib.

Tədbirdə Dövlət Yol Polis İdarəsinin bölmə rəisi, polis polkovniki Vaqif Əsədov da iştirak edib.

O qeyd edib ki, Prezident İlham Əliyevin uğurlu daxili siyasəti sayəsində qazanılan nailiyyətlərin sırasında nəqliyyat-yol infrastrukturunun inkişafı mühüm yer tutur.