İsrail hərbçiləri ilə Qərbi Şeriyanın Nəbi Saleh bölgəsində yəhudi tikililərini və hasarlarının tikintisinə qarşı aksiya keçirən fələstinlilər arasında toqquşma baş verib.

Axar.az xəbər verir ki, İsrail əsgərlərindən biri aksiya zamanı fələstinli uşağı həbs etmək istəyərkən ona qarşı amansızlıq edib.

Yəhudi əsgər bir qolu gipsdə olan uşağın başını əvvəlcə daşa dayayıb, sonra o biri qolunu buraraq sürüyə-sürüyə aparmaq istəyib. Ancaq uşağın ailəsi əsgərə imkan verməyib. Uzun mübarizədən sonra başqa bir əsgər araya girərək uşağı buraxmasını istəyib. Uşağı buraxıb geri çəkilən əsgər onlara tərəf qaz bombası atıb.