Eldar Əzizov bu gündən Səbail rayonunun icra başçısı vəzifəsinin icrasına başlayacaq.

Axar.az xəbər verir ki, artıq təhvil-təslim işləri başa çatıb. Rayonun keçmiş icra başçısı Asif Əsgərov işçilərlə sağollaşıb.

İH-dən Azvision.az-a verilən məlumata görə, E.Əzizov hələ ki işə gəlməyib:

"Eldar Əzizov hələ ki, işə gəlməyib. Çox güman ki, bu gün işə başlayacaq. Asif Əsgərov bütün işçilərlə görüşüb, sağollaşıb. O postunu yeni icra başçısına təhvil verib".

Əldə etdiyimiz məlumata görə, Sumqayıtın keçmiş icra başçısı Eldar Əzizov da bu gün işçilərlə iclas keçirərək vidalaşıb.

Qeyd edək ki, ötən gün Prezident İlham Əliyevin imzaladığı sərəncamla Eldar Əzizov Sumqayıtın icra başçısı vəzifəsindən azad edilərək Bakının Səbail rayonuna başçı təyinatı alıb.

Ölkə başçısının digər sərəncamı ilə Asif Yunis oğlu Əsgərov Bakı şəhəri Səbail rayon İcra Hakimiyyətinin başçısı vəzifəsindən azad edilib. O, Nəsimi rayonuna başçı gətirilib.