Ana səhifə Gündəm |
"Deputat 2015" səhifəsində "Son 5 ilin ən yaxşı deputatı kimdir?" adlı sorğu keçirildiyini bildirdilər. Həmin Feysbuk səhifəsində səsvermənin hətta ikinci mərhələsi başlayıb və orada Azay Quliyev, Fazil Mustafa və Vahid Əhmədovla yanaşı daha iki həmkarımız yer alıb.
Axar.az xəbər verir ki, bunu deputat Fazil Mustafa Feysbuk səhifəsində yazıb. Onun sözlərinə görə, sosial şəbəkələrdə belə bir rəy sorğusunun keçirilməsinə maraq başadüşüləndir:
"Həmçinin bizə dəstək olan və fəaliyyətimizi qiymətləndirən hər kəsə, xüsusilə də seçicilərimizə öz minnətdarlığımızı bildiririk.
Lakin səhifədə digər millət vəkillərinin ünvanlarına etikadan kənar, həqiqətləri əks etdirməyən ifadələr, təhqirlər söylənilir. Belə hesab edirik ki, bu cür yanaşma onlara qarşı haqsızlıqdır".
Deputatın fikrincə, millət vəkillərinin qarşı-qarşıya qoyulması və tərəfdarların arasında lüzumsuz mübahisələr doğru deyil:
"Ümumiyyətlə, bu cür subyektiv sorğuları elmi-metodologiyaya əsaslanmadığı üçün aktual hesab etmirik. Bütün bunları nəzərə alaraq biz - Azay Quliyev, Fazil Mustafa və Vahid Əhmədov adlarımızın sorğudan çıxarılmasını xahiş edirik".
Tarix
2015.09.04 / 09:28
|
Müəllif
Nigar İxtiyarqızı
|