Rusiya terrora qarşı mübarizədə daha bir beynəlxalq koalisiya yaratmağı planlaşdırır.

Axar.az xəbər verir ki, bu barədə Rusiya Prezidenti Vladimir Putin deyib. O, bu məsələnin artıq ABŞ Prezidenti Barak Obama, Səudiyyə Ərəbistanı, Türkiyə, İordaniya və Misir rəsmiləri ilə müzakirə edildiyini bildirib:

"Biz terrorizm və ekstremizmlə mübarizədə daha bir beynəlxalq koalisiya yaratmaq istəyirik. Bu məqsədlə də amerikalı tərəfdaşlarımızla müzakirələr aparırıq. ABŞ liderliyində İŞİD-ə qarşı yaradılmış koalisiyaya Rusiyanın qoşulması gündəmdə deyil. Çünki biz Suriyanı kifayət qədər texnika və hərbi kadrların hazırlanması işi ilə təmin edirik".