Ana səhifə Sağlıq |
Səhiyyə Nazirliyi ana və uşaq ölümlərini azaltmaq məqsədilə hamiləlik və mamalıq məsələlərinə həsr olunmuş seminar keçirib.
Nazirlikdən Axar.az-a verilən məlumata görə, doğuşayardım xidmətinin təkmilləşdirilməsi sahəsində ciddi tədbirlər həyata keçirilir. Görülən tədbirlərin nəticəsi olaraq, Azərbaycanda ana və uşaq ölümünün səviyyəsinin əhəmiyyətli dərəcədə azalmasına nail olunub.
Səhiyyə Nazirliyinin İctimai Səhiyyə və İslahatlar Mərkəzi (İSİM), Elmi-Tədqiqat Mamalıq və Ginekologiya İnstitutu (ETMGİ) və Səhiyyə Nazirliyinin Doğuşayardım Komissiyası ilə birgə bu mövzuda 2 gün davam edən seminar təşkil edib.
Seminarda Abşeron Mərkəzi Rayon Xəstəxanasının və Bakı şəhərinin seçilmiş doğuş evləri, xəstəxanalarının doğum şöbələrinin rəhbərləri və multidistiplinar komandaları iştirak edib. Məqsəd mamalıq praktikasında kritik hadisələrin, ana və uşaq sağlamlığının mühafizəsi sahəsində mütəxəssislərin potensialının gücləndirilməsidir.
Seminar ÜST-nin dəvət olunmuş beynəlxalq təlimçiləri Gelmüs Şüpşinskas və Kanat Suxanberdiyev tərəfindən keçirilib.
Tarix
2015.10.09 / 19:08
|
Müəllif
Nigar İxtiyarqızı
|