Tezliklə ekranlara çıxacaq "Spektr" filmi daxil olmaqla indiyə qədər 4 filmdə ingilis agent Ceyms Bondu uğurla canlandıran Deniel Kreyq daha "Agent 007" filmlərində çəkilmək istəmədiyini açıqlayıb.

Axar.az xəbər verir ki, 47 yaşlı aktyor bu barədə açıqlamanı "Taym aut" jurnalına verib. Müqaviləyə əsasən, daha bir Bond filmində də oynaması tələb olunan aktyor "Bir də Ceyms Bond filmində çəkilməkdənsə əlimdəki stəkanı qırıb biləklərimi kəsməyi seçəcəyəm", - deyib:

"Biz edəcəyimizi etdik, mən artıq öz yoluma davam etmək istəyirəm. Növbəti filmlər üçün kim seçilirsə seçilsin, uğurlar".

Xatırladaq ki, bir neçə gün öncə "Spektr" filmindən sonrakı Ceyms Bond filmində də Deniel Kreyqin oynayacağı haqda məlumat yayılmışdı.