Güclü komandaya qarşı oynayırdıq.

Axar.az xəbər verir ki, "Qarabağ"ın yarımmüdafiəçisi Əfran İsmayılov "Totenhem"lə görüşü belə qiymətləndirib.

Ağdam klubunun təcrübəli oyunçusu "Azerisport.com"a heç nədən qol buraxdıqlarını söyləyib: "Belə hallar olur. Şansımız az da olsa, var. Nə qədər ki, şans var, mübarizəmizi davam etdirməliyik".

Ə.İsmayılov hesab edir ki, istənilən halda komanda öz xal ehtiyatını yaxşılaşdırmalıdır: "Anderlext"lə asan olmayacaq. Amma çalışacağıq. Növbəti mərhələyə çıxmaq şansı qazanmaq istəyiriksə, buna nail olmalıyıq".

Qeyd edək ki, Avroliqanın qrup mərhələsini keçmək üçün "Qarabağ" səfərdə "Anderlext"i məğlub etməli, "Monako" isə İngiltərədə "Totenhem"ə ya uduzmalı, ya da heç-heçə etməlidir.