Rusiyadakı ukraynalı qaçqınlar mütləq Ukraynaya qayıdacaqlar.

Axar.az xəbər verir ki, bunu Rusiya mətbuatına açıqlamasında rusiyalı müxalif siyasətçi Lev Şlosberq söyləyib. Onun sözlərinə görə, Rusiya bu şəxsləri sadəcə deportasiya edəcək:

"Hazırda Rusiya vətəndaşlarının həqiqəti dərk etməsi prosesi gedir. Artıq çoxları Krımdan sonra rus tanklarının Kiyevə və Xarkova gedib çatmayacağını bilirlər. Bu gözləntilər var idi. Artıq hər şey başa çatdı. Novorossiya layihəsi bağlandı və bir daha heç vaxt ortaya atılmayacaq. Xalqın pullarını dəlicəsinə xərclədilər, bir neçə min insan öldürdülər, iki dövlət və xalq arasında münasibətləri pozdular. Baxın, əldə etdiyimiz nəticələr budur".