Çeçenistan rəhbəri Ramzan Kadırov öz İnstaqram səhifəsində deputat Konstantin Sençenkonun üzrxahlıq videosunu yerləşdirib.

Axar.az xəbər verir ki, Kadırov Krasnoyarsk şəhər bələdiyyəsinin deputatı Konstantin Sençenkonun üzr videoyazısını "Bağışlayıram" qeydi ilə paylaşıb.

Qeyd edək ki, tərəflər arasında qarşıdurma Ramzan Kadırovun müxalifəti "xalq xainlərinə" bənzətməsi ilə başlayıb.

Bundan sonra Sençenko öz Feysbuk səhifəsində Kadırovun ünvanına xoşagəlməz sözlər yazmışdı:

"Ramzan, sən Rusiyanın üzqarasısan. Sən hər şeyi gözdən salmısan. "Rusiya Qəhrəmanı" adını belə hörmətdən saldın. Mən oğlanlarımız Çeçenistana döyüşməyə gedərkən burda – Krasnoyarskda onlara kömək topladığımızı xatırlayıram. Sən o dövrlərdə dağlarda gəzir və bizim uşaqları öldürürdün. Onlar indi torpaqda yatır, sən isə "Rusiya Qəhrəmanısan".