Minsk razılaşması yerinə yetirilərsə, ABŞ Rusiyaya qarşı tətbiq etdiyi sanksiyaları geri götürəcək.

Axar.az xəbər verir ki, bu barədə ABŞ Dövlət departamentinin koordinatoru Deniel Frid "Amerikanın səsi" radiosuna müsahibəsində deyib.

Vaşinqton rəsmisinin sözlərinə görə, Rusiyadan yalnız Minsk razılaşmasının şərtlərinə əməl etmək tələb olunur.

"Minsk razılaşmalarının şərtləri icra olunan kimi, yəni - Donbasda seçkilərin keçirilməsi, hərbi əməliyyatların dayandırılması və Ukraynanın şərq sərhədlərində nəzarəti bərpa etməsindən sonra sanksiyalar ləğv olunacaq. Sanksiyaların bu il ləğv olunmasını da istisna etmirəm", - Frid qeyd edib.