Ana səhifə Toplum |
21:06
Bakı-2015 İlk Avropa Oyunları zamanı istifadəyə verilən
Bakı Olimpiya Stadionunda təşkil olunacaq ilk toy mərasimində
səhnəyə çıxacaq müğənninin adı bəlli olub.
ANS-in məlumatına görə, tanınmış türk müğənnisi
Əbru Gündəş uzun sürən fasilədən sonra yenidən Bakıya gəlir.
Yayılan xəbərlərdə deyilir ki, Bakı Olimpiya Stadionunda təşkil
olunacaq ilk toy mərasimində səhnəyə çıxacaq məşhur məhz Əbru
olacaq. Məlumata görə, Bakı Olimpiya Stadionunda təşkil olunacaq
ilk toyun bəyi futbolçudur. Martın 19-da baş tutacaq məclisdə
həmçinin Azərbaycanın tanınmış müğənnilərinin çıxışı
gözlənilir.
Ötən gün Bakı Olimpiya Stadionunda futbol oyunlarından başqa toy şənlikləri də keçirməyin mümkünlüyü barədə xəbər yayımlanıb. Bu barədə Stadionun rəsmi saytında elan yerləşdirilib.
Bu vaxta qədər hələlik mərasim keçirilməsə də, artıq sifarişlər var. Martın 19-da BOS-da ilk toy olacağı bildirilir. Qeyd edək ki, stadionun 68 min oturacaq yeri var.
Bakı Olimpiya Stadionunun mətbuat xidmətinin rəhbəri Cəmilə Mehdiyeva deyib ki, toylardan gələn gəlirlər stadionun xərclərinə sərf ediləcək. O ki qaldı Bakı Olimpiya Stadionunun toy üçün icarə haqqına, qurum rəsmisi bunun insanların büdcəsinə uyğun olaraq hesablanacağını deyib: "Biz stadionda toy keçirmirik. Biz sadəcə stadionu icarəyə veririk ki, toy, nişan, ad günü və s. mərasim keçirmək istəyənlər özləri təşkilatçılarla danışaraq bunu həyata keçirsinlər. İcarə pulu isə fərdidir. Hər mərasimin öz büdcəsi var. Amma imkanı az olanlara da güzəşt edəcəyik. Çünki bizim əsas məqsədimiz odur ki, bu stadionu ictimai istirahət yerinə çevirək", - deyə C.Mehdiyeva bildirib.
00:55
Bakı Olimpiya Stadionunda təşkil olunacaq ilk toy mərasimində türk müğənnisi Əbru Gündəşin səhnəyə çıxacağı həqiqətə uyğun deyil. Bu barədə bizdə heç bir məlumat yoxdur. Düzdür, toy yiyəsi hansı müğənnini istəsə, məclisinə dəvət edə bilər.
Bunu Bakı Olimpiya Stadionunun mətbuat xidmətinin rəhbəri Cəmilə Mehdiyeva deyib. Onun sözlərinə görə, Əbru Gündəşin toy mərasimində iştirakı gözlənilmir.
"Biz stadionda toy keçirmirik. Biz sadəcə toy, nişan, ad günü və s. mərasim keçirmək istəyənlər üçün stadionu icarəyə veririk. Burdan gələn gəlirlər stadionun xərclərinə sərf ediləcək. Martın 19-da stadionda toy keçirməklə bağlı bir qız bizə müraciət edib. Çılğın futbol azərkeşi olan bu xanım şad gününün futbolla bağlı olması arzusunda olub. Hətta bu barədə qız sosial şəbəkədə status paylaşıb", - deyə C.Mehdiyeva bildirib.
Tarix
2016.02.07 / 00:55
|
Müəllif
Axar.az
|