Ana səhifə Planet |
Ekvadorun suverenliyini qorumaq üçün hərəkətə keçəcəyik və Türkiyəyə etiraz notası göndərəcəyik.
Axar.az xəbər verir ki, bu sözləri Ekvador Xarici İşlər naziri Riçardo Patino Türkiyə Prezidenti Rəcəb Tayyib Ərdoğanın bu ölkədə universitetdə çıxışı zamanı yaşanan xoşagəlməz hadisələrə münasibət bildirərkən deyib.
O, ölkəsinə gələn bir dövlət başçısının təhqir edilməsini qəbuledilməz və hörmətsizlik olduğunu deyib:
"Buna baxmayaraq, Ərdoğanın mühafizəçilərinin etirazçıları yumruqla döyməsi qəbuledilməzdir. Ekvadorda söz azadlığı var. Mühafizəçilər etirazçılara müdaxilə etməməli idi".
Qeyd edək ki, bu gün Türkiyənin Ekvadordakı səfiri Korkut Güngen bu ölkənin Xarici İşlər Nazirliyinə çağırılıb.
Xatırladaq ki, Ərdoğanın Ekvadora səfəri zamanı paytaxt Kitoda etiraz aksiyaları keçirilib.
Tarix
2016.02.07 / 00:47
|
Müəllif
Kamran Ədalət
|