Fevralın 29-da Türkiyənin Energetika və Təbii Sərvətlər naziri Berat Albayrak Azərbaycana səfərə gələcək.

Publika.az-ın məlumatına görə, türkiyəli nazir Bakıda keçiriləcək Cənub Qaz Dəhlizi Məşvərət Şurasının ikinci iclasında iştirak edəcək.

Həmçinin, iclasda Gürcüstan Baş nazirinin müavini, Energetika naziri Kaxa Kaladze, Yunanıstanın Məhsuldar istehsal, ətraf mühit və enerji naziri Panos Skurletis, Albaniyanın Energetika və sənaye naziri Damian Giknuri, Bolqarıstanın Energetika naziri Temenujka Petkova, İtaliyanın İqtisadi inkişaf naziri Federika Quidi, bu ölkənin İqtisadi inkişaf nazirinin müavini Klaudio de Vinsenti, Monteneqronun İqtisadiyyat naziri Vladimir Kavariç, ABŞ Dövlət Departamentinin enerji ehtiyatları bürosunun xüsusi nümayəndəsi Amos Hokstayn, Serbiyanın Dağ Sənayesi və Energetika naziri Aleksandr Antiç, Xorvatiyanın İqtisadiyyat naziri İvan Vrdolyak, Avropa Komissiyasının enerji birliyi üzrə vitse-prezidenti Maroş Şevçoviç və digər rəsmi şəxslərin də iştirakı gözlənilir.

Qeyd edək ki, nazir Berat Albayrak Türkiyə Prezidenti Rəcəb Tayyib Ərdoğanın kürəkənidir.