Ey Amerika! Bizimlə birlikdəsən, yoxsa PYD və YPG ilə?

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan prezident sarayında muxtarların toplantısı zamanı çıxışında deyib.

Ərdoğan çıxışı zamanı bir daha PYD və YPG-nin terror qruplaşması olduğunu açıqlayıb:

"Ana müxalifətin nümayəndələri xaricə gedir. Onlar "PYD və YPG terror qruplaşmaları deyil" deyir. PKK necə terror qruplaşmasıdırsa, onlar eyni şəkildə terror qrupudur. Təəssüf ki, bəzi dairələr terror qruplarına vəkillik edir. Amerikaya PYD və YPG-nin terror qruplaşması olduğunu deyirik. Lakin rəsmilər isə çıxışında bunları terror qruplaşması olaraq görmədiyini açıqlayırlar. Ey Amerika! Nə İŞİD-i, nə PYD-ni, nə YPG-ni bizə tanıda bilərsiniz. Bunların hamısına sizdən yaxşı bələdik. Bunları tanıya bilmədiyiniz üçün bölgə qan çanağına çevrilib".