Ana səhifə Toplum |
ABŞ-ın Nebraska ştatının qubernatoru Pit Rikets (Pete
Ricketts) bəyannamə imzalayaraq, 26 fevral tarixini bütün Nebraska
ştatında "Xocalını Anma Günü" elan edib və ştat sakinlərini bu günü
hüznlə yad etməyə çağırıb.
Axar.az xəbər verir ki, bu barədə Azərbaycanın Los Ancelesdəki Baş Konsulluğudan məlumat verilib.
Baş Konsulluğa daxil olmuş bəyannamədə Xocalı qətliamı dəhşətli
faciə kimi pislənilir.
Sənəddə 24 il əvvəl - 1992-ci ilin 26 fevralında Xocalı qətliamı
zamanı 600-dən çox günahsız mülki əhalinin, o cümlədən böyük sayda
uşaq, qadın və qocaların kütləvi şəkildə qətlə yetirildiyi
bildirilir. "Human Rights Watch" təşkilatının bu qətliamı regionda
baş vermiş ən böyük kütləvi qırğın adlandırdığı vurğulanaraq qeyd
olunur ki, bu dəhşətli hadisə dünya xalqları arasında qarşılıqlı
anlaşma, ünsiyyət və tolerantlığın nə qədər zəruri olduğunu
göstərir.
Bəyannamə, eyni zamanda Nebraska ştatının dövlət katibi Con Qeyl
(John Gale) tərəfindən də imzalanıb.
Bu bəyannamə, Nebraska ştatında Xocalı qətliamı ilə bağlı qəbul
edilmiş ilk sənəddir.
Beləliklə, ABŞ-da Xocalı qətliamını tanıyan və pisləyən ştatların sayı 18-ə çatıb.
Tarix
2016.02.11 / 10:25
|
Müəllif
Axar.az
|