Ana səhifə Toplum |
Bakının Binəqədi rayonunda qətl törətməkdə təqsirli bilinən 22 yaşlı Fəhmin Qədimov barəsində həbs-qətimkan tədbiri seçilib.
ANS-in
məlumatına görə, o, ötən gün Binəqədi rayonunun Cavadxan küçəsində
kirayə götürdüyü evdə 39 yaşlı Sədaqət Əsgərovanı qısqanclıq
zəminində boğaraq öldürməkdə təqsirli bilinir. Saxlanılan şəxsin
sözlərinə görə, mərhum Sədaqətlə 1 ay bundan qabaq metronun "28
May" stansiyasının qarşısında tanış olub. Qadın metronun "Memar
Əcəmi" stansiyası yaxınlığında kirayədə yaşayırmış. Evin qiyməti
baha olduğundan Fəhmin ona yeni mənzil kirayələyib.
"Çağırdım, gəldi baxdı, xoşuna gəldi. Silib təmizlədi, evi
götürdüyüm 4 gün idi. Ondan əvvəl çöldə-bayırda, öz evində
görüşürdük. Getdi, səhəri gün gəldi. Dedim ona gəl bura. Mən
bilirəm sən kiminləsə görüşürsən, eləmə", – deyə saxlanılan şəxs -
Fəhmin Qədimov açıqlamasında bildirib.
Qadının sərt cavabı Fəhmini özündən çıxarıb və nəticədə onun başını
qolları arasında sıxaraq boğmağa başlayıb.
"Sonradan məftildən istifadə etməyə başladım. Gördüm boğulub, amma
canını hələ tapşırmayıb. Məftillə sıxdım, şalvarı üzünə qoydum,
başını bağladım ki, qoy səsi çıxmasın", – deyə şübhəli şəxs əlavə
edib.
Hadisəni törədəndən sonra Fəhmin qadının maşınına oturaraq rayona
gedib və anası ilə vidalaşıb. Dərhal geri qayıdan gənc özü könüllü
olaraq Binəqədi Rayon Polis İdarəsinə gəlib təslim olub. Məlumata
görə, qadının 18 yaşında oğlu da var. Fəhmin Qədimov isə əvvəllər
iki dəfə məhkumluq həyatı yaşayıb. (anspress.com)
Tarix
2016.02.13 / 10:45
|
Müəllif
Axar.az
|