Ana səhifə Gündəm |
Azərbaycan 2016-cı ildə müdafiə xərclərini 391 milyon manat və ya 21,3% artırır.
APA xəbər verir ki, bu, "Azərbaycan Respublikasının 2016-cı il dövlət büdcəsi haqqında" qanunda dəyişikliklər layihəsində əksini tapıb.
Qanun layihəsində bu il üçün müdafiə xərcləri 2 mlrd. 229 mln. manat nəzərdə tutulub. Bu vəsaitin 2 milyard 114 milyon manatı müdafiə qüvvələri, 108 milyon 895 min manatı milli təhlükəsizlik, 2 milyon 422 min manatı müdafiə və təhlükəsizlik sahəsində tədqiqatlar, 3 milyon 022 min manatı isə digər kateqoriyalara aid edilməyən xərclərin payına düşür.
Qeyd edək ki 2016-cı ilin təsdiqlənmiş büdcəsində cari il üçün müdafiə xərcləri 1 milyard 838 milyon manat səviyyəsində proqnozlaşdırılmışdı. Bu vəsaitin 1 milyard 723 milyon manatı müdafiə qüvvələri, 108 milyon 895 min manatı milli təhlükəsizlik, 2 milyon 422 min manatı müdafiə və təhlükəsizlik sahəsində tədqiqatlar, 3 milyon 022 min manatı isə digər kateqoriyalara aid edilməyən xərclərin payına düşür.
Müdafiə xərclərinin artmasının səbəbi müdafiə qüvvələrinə xərclənəcək vəsaitin 391 milyon manat artırılması ilə bağlıdır.
Tarix
2016.02.18 / 11:40
|
Müəllif
Axar.az
|