Türkiyəli məşhurlar Ankarada baş verən terror hadisəsini qınayıblar.

Axar.az xəbər verir ki, Türkiyənin məşhur simaları sosial şəbəkədə Ankaradakı qanlı terror olayına etiraz ediblər:

Sibel Can: "Yenə də qan. Yenə can getdi. Həyatını itirən qardaşlarımıza Allahdan rəhmət diləyirəm. Yaxınlarına Allah səbir və dözümlülük gücü versin".

Mahsun Qırmızıgül: "Terror, savaş, ölüm, barbarlıq - adı nə olursa-olsun, kimdən gəlirsə-gəlsin, min dəfə lənət olsun!"

Hakan Şükür: "Ankaradakı terror hücumunda həlak olanlara rəhmət, yaralılara şəfa, yaxınlarına səbir diləyirəm".

Hadisə: "Artıq buna son qoyulsun! Daha çox canımız yanmasın!"

Acun İlıcalı: "Ankarada baş verən terror hücumunda həyatını itirən vətəndaşlarımıza Allahdan rəhmət, yaralılara şəfalar diləyirəm".

Pətək Dinçöz: "Terrorun hər formasına lənət olsun!"

Xatırladaq ki, dünən axşam saatlarında Türkiyənin paytaxtı Ankara şəhərində qanlı terror törədilib. Hadisə nəticəsində 28 nəfər həlak olub, 61 nəfər yaralanıb.