Böyük Britaniya Avropa Birliyindən çıxmayacaq.

Axar.az xəbər verir ki, bunu Rusiya mətbuatına açıqlamasında politoloq Qriqori Trofimçuk söyləyib. Onun sözlərinə görə, Britaniya çalışır ki, Avropa Birliyinə öz şərtlərini diktə etsin:

"O, bütün Avropa üçün mini qərb rolunu oynayır. Eyni rolu Şərqi Avropa üçün isə Berlin və Paris tərəfindən ifa olunur. Görünür, Vaşinqtonu bu situasiya qane edir. Məhz buna görə ABŞ London üçün xüsusi valyuta şərtlərini saxlayıb. Əgər gələcəkdə Vaşinqtonun özü avronu ucuzlaşdırsa, Avropadakı maliyyə stabilliyini dəstəkləməkdən imtina etsə, Britaniya onun yaxın müttəfiqi kimi əziyyət çəkməyəcək. Ona görə də bir daha təkrar edirəm ki, bu ölkənin Avropa Birliyini tərk etməsi üçün praktiki olaraq heç bir şansı yoxdur".

Qeyd edək ki, bu gün Devid Kemeron Böyük Britaniya ilə Avropa Birliyi arasında razılığın əldə olunduğunu, ölkəsinin ittifaqın daxilində özəl statusu olacağını bildirib.