Rəsmi Vaşinqton Şimali Koreyanın yarımadada gərginliyə son qoyulması üçün təklif etdiyi sülh razılaşmasını rədd edib.

Axar.az xəbər verir ki, bu barədə Ağ Ev sözçüsü Coş Ernest gündəlik mətbuat konfransında məlumat verib.

Ernestin sözlərinə görə, anlaşma Şimali Koreyadakı nüvə obyektləri nəzarətə götürüləndən sonra əldə oluna bilər:

"Şimali Koreya sülh təklifi ilə müraciət etsə də, nüvə sahəsində nəzarətdən israrla boyun qaçırdı. Reallıq budur ki, bunu koreyalılar rədd edib".

Xatırladaq ki, Şimali Koreyanın son nüvə sınağı bölgədə vəziyyəti xeyli gərginləşdirib. Bu hadisədən sonra ABŞ Prezidenti Barak Obama Şimali Koreyaya tətbiq olunan sanksiyaların əhatəsini genişləndirən layihəni imzalayıb.