Ana səhifə Planet |
Suriyada təkcə Rusiya və ABŞ-ın yox, həm digər ciddi regional oyunçuların maraqları da kəsişir.
Axar.az xəbər verir ki, bunu Ukrayna mətbuatına açıqlamasında ekspert Aleksandr Xara söyləyib. Onun sözlərinə görə, məhz bu səbəblər ucbatından Suriyada atəşkəsin davamlı olacağı inandırıcı deyil:
"Türkiyənin maraqlarını xatırlamaq lazımdır. Suriyadakı situasiya Ankaranın təhlükəsizliyi baxımından yaxşı heç nə vəd etmir. Burada həmçinin Səudiyyə Ərəbistanı, İran və İsraili də unutmaq olmaz. Suriyada xarici oyunçularla bərabər insanlar da var. Bunlar sırasında əsədyönlü ələvilər və sünni ərəblərin adını çəkmək olar. Üstəlik, sünnilərin özləri də radikallar və tolerantlara bölünürlər. Hətta Suriya parçalanıb bufer zona yaradılsa belə, bu ölkədə sülhü qorumaq çətin olacaq".
Qeyd edək ki, fevralın 22-də ABŞ, Rusiya və digər regional lider olan dövlətlərin sayəsində Suriyada atəşkəs əldə olunub. Atəşkəs 27 fevral 00:00-dan etibarən qüvvəyə minəcək. Atəşkəs Nüsrə Cəbhəsi və İŞİD-in nəzarət etdiyi bölgələrə aid edilməyəcək.
Tarix
2016.02.23 / 16:56
|
Müəllif
İlkin Həsənov
|