Ana səhifə Planet |
Türkiyənin Diyarbəkir vilayətinin Sur mahalında 100 evin yerləşdiyi ərazidə terrorçular sıxışdırılıb. Təhlükəsizlik qüvvələri addım-addım irəliləyir. Ən dar halqa yaradılıb. Qısa zamanda o ərazilər terrorçulardan təmizlənəcək.
Axar.az xəbər verir ki, bu sözləri Türkiyə Baş nazirinin müavini Numan Qurtulmuş "Habertürk"ə açıqlamasında deyib.
"Nə zaman sabitlik yaranarsa, Türkiyənin qarşısını kəsmək istəyirlər. Bölgədəki mövqelərini gücləndirmək üçün bəziləri terror qruplarına dəstək verir. Siyasi dəstək göstərirlər. Fransada da eyni tendensiya davam edir. Türkiyə və bütün dünya qeyri-sabitliyin qurbanı olur. Türkiyə hər cür təhlükəyə qarşı cavab verir. Həm PYD, həm də İŞİD-ə atdığımız bombalar bizə açılan atəşə verilən qarşılıqdır. Rusiya İŞİD-ə qarşı mübarizə adı altında əlaqəsi olmayan yerləri vurur. Beynəlxalq aləm Türkiyəyə deyil, Rusiyaya iradını bildirməlidir", - Qurtulmuş vurğulayıb.
Qurtulmuş onu da əlavə edib ki, Türkiyənin cənub-şərq vilayətləri terrorçulardan tamamilə təmizlənəcək.
Tarix
2016.02.24 / 22:22
|
Müəllif
Kamran Ədalət
|