Ana səhifə Kult |
Dünən Tvinninq layihəsi ilə bağlı nazirlikdə təsis olunmuş "Mədəniyyət Strategiyası və Planlaşdırma üzrə İşçi Qrupun" birinci iclası baş tutub.
Nazirlikdən Axar.az-a verilən məlumata görə, iclasda qrupun rəhbəri, Mədəniyyət və Turizm naziri Əbülfəs Qarayev çıxış edərək layihənin əhəmiyyəti və potensialı haqqında danışıb.
Nazir, qarşıya qoyulan məqsədlərin mədəniyyət sahəsinin inkişafı üçün çox vacib olduğunu və proseslərin əsasında praktiki nəticələrin əldə edilməsinin əsas məqsəd olduğunu bildirib. Həmçinin o, qrup iştirakçılarına layihənin icrası üçün hər mərhələdə dəstəyin göstərilməsini tapşırıb.
Yekunda layihənin Yerli Müşaviri Alessandro Bianki və Nazirliyin Beynəlxalq əməkdaşlıq şöbəsinin əməkdaşı Ramil Abbəkirov təqdimat edərək layihənin təfərrüatları və iş bölgüsü haqqında danışıblar.
İki əsas komponentdən ibarət olacaq layihə iki il davam edəcək və Aİ tərəfindən maliyyələşdirilən büdcəsi 1,2 milyon (bir milyon iki yüz min) avro olacaq.
Xatırladaq ki, "Mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət və Turizm Nazirliyinə dəstək" adlı Tvinninq layihəsinin icrasına cari ilin 8 fevral tarixində başlanıb.
Tarix
2016.03.01 / 17:49
|
Müəllif
Nilufər Muğantürk
|