Ana səhifə İqtisadiyyat |
Martın 4-də SOCAR prezidenti Rövnəq Abdullayevin
Gürcüstana səfəri gözlənilir.
APA-nın Gürcüstan
bürosunun məlumatına görə, bu barədə SOCAR-ın Gürcüstan
nümayəndəliyindən bildirilib.
Səfər çərçivəsində SOCAR prezidenti Gürcüstan hökumətinin
rəhbərliyi ilə ikitərəfli görüşlər keçirəcək, bir sıra sənədlər
imzalanacaq.
Səfər çərçivəsində Rövnəq Abdullayev Azərbaycan prezidentinin
tapşırığı ilə Rustavi şəhərinə gətirilən 10 ədəd "Belarus" markalı
traktoru Kvemo Kartli bölgə rəhbərliyinə təhvil verəcək.
Həmin gün azərbaycanlıların kompakt yaşadığı Marneuli rayonunun
Lecbəddin kəndində SOCAR-ın Gürcüstan nümayəndəliyi tərəfindən
yenidən bərpa olunan və bütün standartlara cavab verən 130
şagirdlik azərbaycandilli orta məktəb binasının açılışı olacaq.
Qeyd edək ki, martın 4-də Lecbəddin kəndində Böyük Vətən
Müharibəsində həlak olanların xatirəsinə ucaldılan abidənin və
Dağlıq Qarabağ müharibəsində döyüşlər zamanı qəhrəmancasına həlak
olan Milli Qəhrəman Cəlil Əziz oğlu Səfərovun da abidəsinin
bərpadan sonra açılışı olacaq. Eyni zamanda kənddə yeni tikilən
futbol meydançası da istifadəyə veriləcək.
Tarix
2016.03.04 / 00:51
|
Müəllif
Axar.az
|