Ana səhifə Maqazin |
Müğənni Aygün Kazımova bu gün qonaq olduğu radio
verilişlərindən birində ona olunan təxribatlardan
danışıb.
Publika.az xəbər
verir ki, müğənni bu təxribatların hələ illər əvvəl start
götürdüyünü xatırladıb:
"İllər əvvəl layihələrimdən birinin təqdimat mərasimi idi. Birdən
qarşıma çılpaq xanımların şəklini qoydular. Şəkillərdən birinə
mənim başımı qoymuşdular. Montaj işi təzə başlayırdı. Şəkillərə
baxıb təəssüfləndim ki, heyif, bu, mənim bədənim deyil. Xanımların
çox gözəl bədəni var idi. Bu yaxınlarda isə qızımla bağlı xəbər
çıxartdılar. Guya qızımın çılpaq rəqs etdiyi video yaydılar.
Baxanlar da yazırdı ki, bu, axı qadın bədəni deyil".
A.Kazımova belə təxribatların davamı olacağını da deyib: "Hələ bu
yaxınlarda bir xəbər də çıxacaq. İndidən deyim, media işçiləri
bilsin. Bir qrup mənə qarşı təxribat hazırlayır. Guya üzdəniraq
qonşularımız ilə şəkil çəkdirmişəm. Bir onu deyim ki, erməniyə
güllə atan, erməni ilə dostluq etməz. Amma bu xəbər də bu
yaxınlarda çıxacaq. Mən belə şeylərə gülürəm. Başa düşürəm ki,
"Aygün" sözünün sinonimi "gündəm"dir, "reytinq"dir, reklamdır. Bu
xəbəri çıxardan insanların halına acıyıram".
Tarix
2016.03.05 / 00:35
|
Müəllif
Axar.az
|