Rusiyanın "Rostex" dövlət şirkəti Birləşmiş Ərəb Əmirliklərinin "Mubadala" fonduna özünün "Rusiya vertolyotları" şirkətindəki payını sata bilər.

Axar.az xəbər verir ki, bunu "Vol Strit Jurnal" qəzetinə müsahibəsində dövlət şirkətinin rəhbəri Sergey Çemezov söyləyib. Onun sözlərinə görə, hazırda tərəflər arasında bununla bağlı danışıqlar aparılır.

Qeyd edək ki, "Rusiya vertolyotları" şirkətində "Rostex"in payı 17,1%-dir. Şirkət 2007-ci ildə yaradılıb. Yaradılmasından 5 il sonra şirkət dünyanın ən güclü 100 aviasiya şirkəti arasında 24-cü yerə layiq görülüb. Bu şirkət məşhur Ka-51 Alliqator, Ka-226T, Mi-35M və digər helikopterlərin istehsalçısıdır.