ABŞ Müdafiə naziri Eşton Karter ilə yaponiyalı həmkarı Qen Nakatani arasında telefon əlaqəsi baş tutub.

Axar.az xəbər verir ki, danışıq zamanı Karter amerikalı keçmiş dəniz piyadaçısının aprel ayında Okinavada 20 yaşlı yerli sakini qətlə yetirməsinə görə Nakatanidən üzr istəyib.

Məlumata görə, Pentaqon rəhbəri cinayətin araşdırılması işində Yaponiyaya yaxından köməklik göstəriləcəyini və belə halların təkrarlanmaması üçün tədbirlər görüləcəyini bildirib.

Qeyd edək ki, həbs edilmiş 32 yaşlı keçmiş dəniz piyadaçısının apreldə itkin düşmüş 20 yaşlı yerli sakini qətlə yetirməsi sübut olunub. Cinayətkar istintaqa ifadəsində qızı boğduğunu və ona bir neçə bıçaq zərbəsi vurduğunu etiraf edib.

Bu gün həmçinin cinayətin digər təfərrüatı da üzə çıxıb. Yerli hüquq-mühafizə orqanlarının təhqiqatından sonra məlum olub ki, qatil qətlə yetirdiyi qızın bədəninin orqanlarını çamadanda daşıyıb.