Evimiz İsrail Partiyasının sədri Aviqdor Liberman İsrailin müdafiə naziri vəzifəsinə təyin olunub.

Axar.az xəbər verir ki, bu barədə informasiyanı "Nyu-York Tayms" qəzeti yayıb. Qəzet bunun sayəsində hakim partiyanın parlamentdəki deputatlarının sayının 66-ya yüksəldiyini bildirib.

Qeyd edək ki, bir müddət öncə Kadima Partiyasının rəhbərliyi altında yaradılmış koalisiya Evimiz İsrail Partiyası ilə danışıqlara başlamışdı.

Tərəflər arasında razılıq bu gün əldə olunub. Razılığa əsasən, Evimiz İsrail Partiyası müdafiə və miqrasiya nazirliklərinə yiyələnib.

Xatırladaq ki, İsrailin əsas ideoloqlarından sayılan Liberman Azərbaycanın haqlı mövqeyini hər zaman müdafiə edən siyasi xadim kimi tanınır.