Ümid edirəm ki, Nadejda Savçenkonun azadlığa buraxılması ilə Ukraynanın şərqindəki münaqişə zonasında gərginlik azalacaq.

Axar.az xəbər verir ki, bu sözləri Rusiya Prezidenti Vladimir Putin Ukrayna Ali Radasının deputatı, pilot Savçenkonun azadlığa buraxılmasını şərh edərkən deyib.

"Ümid edirəm ki, bu qərar dəhşətli və lazımsız zərərlərin qarşısını almağa kömək edəcək", - Putin bildirib.

Qeyd edək ki, Putin bu gün Savçenkonun əfv olunması barədə sərəncam imzalayıb. Ukrayna Prezidenti Pyotr Poroşenko isə Rusiya Baş Kəşfiyyat İdarəsinin (QRU) əməkdaşları Yevgeni Yerofeyev və Aleksandr Aleksandrovu əfv edib. Dustaqlar bu gün Rostovda dəyişilib və az öncə Savçenko Ukraynaya, QRU əməkdaşları isə Rusiyaya çatıb.