Cənubi Osetiyanın referendum keçirərək Rusiyanın tərkibinə daxil olmaq istəməsi ilə bağlı məsələdə ABŞ-ın fikir bildirməsinin heç bir əhəmiyyəti yoxdur.

Axar.az xəbər verir ki, bu sözləri öz Tvitter səhifəsində Rusiya Dumasının Beynəlxalq Məsələlər Komitəsinin rəhbəri Aleksey Puşkov söyləyib.

Qeyd edək ki, bundan öncə qondarma Cənubi Osetiya Rusiyaya birləşmək haqqında referendum keçirəcəyini açıqlayıb. Vaşinqton isə bu ideyanı dəstəkləmədiyini və Gürcüstanın ərazi bütövlüyünü tanıdığını bəyan edib.

Cənubi Osetiya 2008-ci il savaşından sonra Rusiyanın dəstəyi ilə Tiflisdən ayrılıb. Moskva qondarma rejimin "müstəqilliyini" tanıyıb.