Amerikalıların Qarabağdakı sülh prosesinə tam qoşulması Vyana görüşünə xüsusi əhəmiyyət qazandırdı.

Axar.az xəbər verir ki, bunu gürcü politoloq Gela Vasadze Ermənistan mətbuatına açıqlamasında söyləyib. Onun sözlərinə görə, ABŞ bu prosesə töhfəsini verməkdən ötrü əlindən gələn hər şeyi edəcək. O bunun tarixi şans olduğunu bildirib:

"Bu həll yox, imkanlar pəncərəsidir. Yəni amerikalılar təşəbbüsü Rusiyadan ala bilərlər. Bu isə öz növbəsində həll prosesinin aktivləşdirilməsi üçün imkanlar yaradır. Siz Dövlət Departamentinin Vyana görüşü ilə bağlı hesabatına, tərəflərin bəyanatlarına baxın. Məncə, bu aydındır. Rusiya artıq etibarlı tərəfdaş deyil. Bu ölkə daima problemlər yaradır. Üstəlik, Obama adını tarixə də yazdırmaq istəyir. Əgər ABŞ kifayət qədər iradəli olsa, Rusiya dalana dirənəcək".