Ana səhifə Gündəm |
Ən böyük müharibədən sülh daha üstündür və Bakı bu prinsipləri qoruyur.
Bu sözləri Axar.az-a açıqlamasında politoloq Arzu Nağıyev deyib. Ekspert bildirib ki, İrəvan iyun görüşünün yaxınlaşmasından olduqca narahatdır:
"Çünki status-kvonu saxlamaq istəyirlər. Azərbaycan Dördgünlük müharibədən sonra əldə olunmuş razılaşmaya əməl edir və sülhə doğru müvafiq addımlar atmaqdadır. Çünki Bakı may danışıqlarının davamında maraqlıdır. İstər Nalbəndyanın, istərsə də keçmiş erməni baş nazirinin nüvə açıqlaması göstərir ki, bu görüşdən narahatdırlar. Bunun səbəbi isə Ermənistan siyasi rəhbərliyinin hakimiyyəti məhz Dağlıq Qarabağ üzərindən zəbt etməsidir".
Politoloq ermənilərin görüşlə bağlı qurduqları planların heç birinin baş tutmayacağını vurğulayıb:
"İrəvanın son davranışları danışıqlardan imtina etmək istədiklərini ortaya çıxarır. Ancaq Bakı sülh prinsiplərini qoruyur. Ermənistanda Sərkisyan hakimiyyətinə qarşı müxalif qüvvələr güclənir və bu proses elə bir nöqtəyə gələ bilər ki, bölgədə Ermənistan əleyhinə olan vəziyyət daha da dərinləşər".
Qeyd edək ki, mayın 16-da Vyanada ATƏT-in Minsk Qrupu həmsədrlərinin vasitəçiliyi ilə Azərbaycan və Ermənistan prezidentləri arasında baş tutan görüşdə iyunda növbəti danışıqlar barədə razılığa gəlinib.
Tarix
2016.05.28 / 14:31
|
Müəllif
Aygün Yusibova
|