Rəsmi Moskva Rusiya-NATO Şurasının toplantısı ilə bağlı hələlik Brüsselə müsbət cavab verməyib.

Axar.az xəbər verir ki, bu sözləri Rusiya Xarici İşlər Nazirliyinin Avropa ilə Əməkdaşlıq Komitəsinin sədri Andrey Kelin deyib.

"NATO sammitində hansı mövzuların gündəmdə olacağı bəlli deyil. Hələlik yekun qərar verməmişik. Rusiya-NATO Şurasının toplantısının keçirilməsinin vacibliyini bir daha qeyd edirik. Düşünürəm ki, bu toplantı gərginliyi bir qədər azaldacaq", - Kelin bildirib.

Qeyd edək ki, NATO Baş katibi Yens Stoltenberq sözügedən toplantının 8-9 iyul tarixlərində Varşavada baş tutacağını bildirmişdi.