Gürcüstan Rusiyanın stabil olmasında maraqlıdır.

Axar.az xəbər verir ki, bunu Rusiya mətbuatına açıqlamasında Gürcüstan Xarici Əlaqələr Komitəsinin sədri Tedo Çaparidze söyləyib. O, Pankissi dərəsində də vəziyyətin normal olduğunu və buradan Suriyaya axın edənlərin sayının azaldığını da bildirib. Onun sözlərinə görə, terrorizmlə mübarizə Tiflislə Moskvanın maraqlarına cavab verir.

Qeyd edək ki, Gürcüstan-Rusiya münasibətləri 2008-ci ildə Moskvanın Cənubi Osetiyaya ordu yeritməsindən sonra pozulub.

Pankissi dərəsində daha çox çeçenlər yaşayırlar. Həm çeçen müharibələri, həm də ondan sonrakı dövrdə Moskva daim bu əraziyə xüsusi diqqət ayırıb. Son illər Suriya və İraqda döyüşən terrorçular sırasında da buradan çıxan şəxslərin üstünlük təşkil etdiyi müşahidə edilir.